नेपाली जनसर्म्पर्क समिति बेलायतले मिति २०६३ साल जेष्ट ४ गते तदनुसार मे १८, २००६ मा ऐतिहासिक जनआन्दोलनहरुका उपलब्धिको रुपमा प्रतिनिधि सभा घोषणा २०६३ प्रधानमन्त्री गिरिजा प्रसाद कोईराला द्वारा प्रस्तुत भै र्सार्वभौम सम्पन्न संसदमा उपस्थित सवै दलहरु तथा सदस्यहरुवाट र्सवसम्मत तवरबाट स्वीकृत भएको अवसरमा ज्ञात अज्ञात शहीदहरु प्रति हार्दिक श्रद्धान्जली ब्यक्त गर्दै जनताको र्सार्वभौम अधिकार सदाका लागी सुनिश्चत गर्दै मुलुकको राजनैतिक मार्गचित्रलाई सुस्पष्ट दिशा निर्देश गर्ने घोषणाको स्वागत गरेको छ ।

समितिका अध्यक्ष पुरुषोत्तम पौडेलले सोमवार वितरण गर्नु भएको बक्तब्यमा संबिधान सभाको निर्वाचनलाई यथा समयमा सम्पन्न गर्न र संक्रमणकालिन चुनौतीहरुलाई सामना गर्दै बिद्यमान अपेक्षालाई मुखरित गर्न सबै नेपाली एक ढिक्का हुनुपर्ने आवस्यकता उल्लेख गरिएको छ ।

बक्तब्यमा शहीदका रगतले लेखिएको घोषणापत्रको अक्षरस पालना उनै शहीदहरु प्रति सच्चा श्रद्धान्जलि र भावी पुस्ता प्रति उच्चतम न्याय हुने यथार्थतामा सात राजनैतिक दल र जनचाहाना अनुरुप राजनैतिक मुलधारमा शान्तिपुर्वक सहभागी हुन प्रतिवद्ध नेकपा माओवादीकोर् इमानदारिता तथा निष्ठापुर्ण प्रयास आजको अपरिहार्यता हो भनिएको छ ।

बेलायतमा वसिरहेका नेपालीहरु देशको लोकतान्त्रिक भविष्यमा सबै खाले असमानताहरुको अन्त्य र दु्रत आर्थिक विकासको अपेक्षा गर्ने जनाउदै जनआन्दोलनमा बिदेश स्थित नेपालीहरुले देखाएको चासो, र्समर्थन, एक्यवद्धता र सहयोगको आफ्नै महत्व रहेको बक्तब्यमा उल्लेख छ ।

बक्तब्य मार्फ नेपाली जनसर्म्पर्क समिति बेलायतले नेपालमा हुने संबिधान सभा लगायत अन्य निर्वाचन हरुमा काम बिशेषले बिदेशमा रहेका नेपाली नागरिकहरुले समेत मताधिकार प्रयोग गर्न पाउने ब्यवस्था गर्न नेपाल सरकार तथा प्रतिनिधिसभा समक्ष माग गरेको छ ।

बक्तब्यमो अन्त्यमा जनआन्दोलनमा प्रत्यक्ष तथा अप्रत्यक्षरुपमा सहभागी भै एँतिहासिक शान्तिपुर्ण जनआन्दोलनलाई सहयोग पुर्याउने सबै नेपाली तथा बिदेशीहरुमा नेपाली जनसर्म्पर्क समिति, बेलायतले धन्यवाद साथ आभार ब्यक्त गरेको जनाइएको छ ।